Sunday, June 1, 2014

Kirby Asunto - anak sa usa ka Inopacnon

Kirby Asunto poses with another anak sa usa ka Inopacnon, Congressman Emmanuel "Manny" Dapidran Pacquiao, and his wife Sarangani Vice Governor Maria Geraldine "Jinkee" Jamora Pacquiao  (Photo credit to PDI sports.inquirer.net)

Leyteña nga nanghugyaw sa Amerika



"...Taga Inopacan, Leyte ang iyang inahan nga si Shirley."
CEBU, Philippines - Dos anyos siya dihang nakakat-on og kanta. Paghuman sa duha ka tuig, nisalmot siya og bangga sa awit sa ilang tunghaan. Sa pagsugilon niya sa iyang inahan mahitungod niini, nahingangha kini gumikan kay igo pa man siya nag-anam pagkat-on og basa. Siya si Kirby Asunto, 15-anyos ug nabaniog na didto sa nagkadaiyang dapit sa Amerika.

Human sa bangga sa awit nga iyang nasalmutan niadtong kwatro anyos pa lamang siya, pormal na siya nga nipailawom og voice lessons, isip pagpangandam sa katumanan sa iyang mga damgo.

Sa dihang nilangyaw sila sa iyang pamilya didto sa States, wala gihapun buhii ni Kirby iyang gusto sa pagkanta. Midaug siya sa mga nagkadaiyang contests. Lakip na niini ang The Access Broadway, diin nakuha niya ang unang ganti sa regional ug national nga panagtigi-ay tuig 2008 ug 2009, ug ang Philippine Fiesta Grand Idol sa Secausus, New Jersey, nga mao ang hinungdan nganong gidapit siya sa daghang Filipino American Communities.

Dili gayud malimod ang tumang kalipay nga iyang nasinati niadtong mga panahona. Busa, nagpasiugda dayun siya og mga fundraising concert isip pasalamat sa katilingban, mapa-America man o 'Pinas.

Apan wala pa dinhi natapos ang tanan.  Sa mga musunod nga mga katuigan, naimbitahan siya sa usa ka sikat kaayo nga Korean show sa US, Kollaboration DC.  Wala sab niya sipyata sa pagpabilib ang publiko atol sa dula sa New York Knicks VS. San Antonio Spurs didto sa Madison Square Garden, Manhattan New York.


Kirby sings the Lupang Hinirang, the national anthem of the Philippines, during the Pacquiao-Bradley fight in Las Vegas, Nevada  last June 9, 2012. (Photo credit to Nathan Daniel Sison )
Apan kining nabuhat niya nga mga pasundayag sa mga nagkadaiyang lugar, abog ra sa kumingking sa iyang dakong kalampusan sa pagkanta niya sa Philippine National Anthem atol sa Pacquiao-Bradley fight niadtong Hunyo 9, 2012 sa Las Vegas, Nevada.

Si Kirby Asunto wala malahi sa kadaghanang nilangyaw nga misikat sa ubang nasud nga mu-uli gayud sa yutang nadak-an. Taga Inopacan, Leyte ang iyang inahan nga si Shirley.

Human sa pito ka tuig, miuli siya dinhi sa 'Pinas. Ang maong pag-uli mibutang niya sa spotlight sa mga dagkong noontime entertainment shows matag Domingo, ang ASAP ug Party Pilipinas ( nga karun Sunday All-Stars na ). Giadto pud niya ang mga lugar sa Davao, Leyte, Batangas ug Lanao del Norte aron magpakita sa iyang talento nga nahashas na pagmaayo sa paglabay sa mga panahon.

Ubay-ubay sad gayud ang mga kalihukan nga iyang natambongan sa pag-uli niya nga mipasamot kaniya pagkailado.  Gani, natagaan pud siya og higayun sa pagpakita niining talento para sa TAYO (Ten Accomplished Youth Organization ) sa Malacañang atubangan sa presidente sa Pilipinas ug ni Senator Bam Aquino, ang nagtukud sa maong kapunungan. Gipasidunggan siya isip awardees a TOFA NY (Top Outstanding Filipinos in America) sa entertainment category. Mihalad pud siya og pasundayag sa pagpirma sa 2013 National Year of Rice ug mikanta siya sa ginamang musika ni Noel Cabangon nga "Sapat na Bigas". Nipahalipay usab siya og kanta sa iyang mga kauban sa usa ka youth organization sa 2nd Global Summit of Filipinos.

Laing kalampusan ni Kirby mao ang pagdala niya sa papel isip Basilio sa labing unang Filipino opera sa New York nga "Noli Me Tangere" niadtong Oktubre. Nahugyaw ang New York Times sa iyang performance nga nihulagway nikomentaryo nga:" Kirby Asunto a 15 year old soprano demonstrated a clear attractive voice as the altar boy Basilio."

RELATED POSTS 

Niadtong nilabay nga Sabado, April 26, gihugyaw ni Kirby ang mga Sugbuanon sa iyang musika, atol sa 450th Kaplag Anniversary Album Launching diha sa Basilica del Sto. Niño Pilgrim Center, diin nakauban niya sa usa ka mini-show sila si Rev. Fr. Jonas Mejares, "Dili Tanan" singer Rommel Tuico, Manny Lapingcao ug ang tanang grand champion sa nakalabay nga Huniño.

Kining tanan nagpamatuod nga mibunga gayud ang mga kakugi ni Kirby aron ug alang sa iyang damgo. Kung buot hunahunaon sobra na kining tanan nga iyang natagamtaman pero wala siya nagkulang sa paghunahuna sa komunidad.

Laraw ni Kirby nga magtukod ugma damlag og music school aron matabangan ang mga kabataan nga mahiligon sa musika pagkab-ot sa iyang mga damgo.


This is a reprint of Banat News article written by Jade Luna 




 

Find and join us in Facebook

About Me

My photo

Author of Philippine Food, Cooking, and Dining Dictionary. A lexicographer since the age of 14.  Filipino Linguist. Blogger with 11 blog sites. Researcher of food culture, pop culture, places, structures, transportations, churches and whatever interest him about the Philippines. Visual artist. Photographer. Traveler who had been to all four corners of the Philippine archipelago, and still setting more footprints. 

SUBSCRIPTION BOX - Get a copy of my next posts by email.

HELP Edgie Polistico now


THANK YOU FOR GIVING!
You helped fund my research.
More discoveries, information, and knowledge will be
shared to all because of your generosity.

Email your message to: edgiepolistico@yahoo.com

CLICK HERE for more on how to help this project